Pinagpepreparan na kan Philippine Squash Academy an tyansa na isalang an saindang mga atleta sa pagkundusir nin duwang foreign-spiced tournaments ngunyan na bulan.
Pamamayuhan kan squash federation an Philippine Satellite sa Oktubre 22 hasta 25 asin an Philippine Challenger Classic sa Oktubre 27 hasta 31.
Ikukundisir an duwang events sa PSA Academy sa Rizal Memorial Sports Complex.
Sigun ki Robert Bachmann, squash chief, pigsaysay kaini na posible soboot ma-improve an world rankings kan mga atleta sa paagi kan pakikipagkumpetensya asin mabisto pa man lalo sa paagi man kan pagkawat nin marahay.
Mientrastanto, an duwang torneo gagamiton kan Philippine team komo preparasyon sa 2025 SEA Games sa Bangkok asin sa 2026 Asian Games sa Nagoya asin qualifiers para sa 2028 Los Angeles Olympics.
Nakaiba ni Bachmann sa weekly forum na pigtangro kan San Miguel Corporation, Philippine Sports Commission, Philippine Olympic Committee, Smart/PLDT, MILO asin 24-7 sports app ArenaPlus si Malaysian coach Low Wee Wern.
Marurumduman, pitong bulan pa sana an dating World No. 5 sa pamamayo sa Philippine team makalihis mag serbe sa Malaysian team nin haros 20 taon.
Apwera man sa Pilipinas, makikipagkumpetinsya man sa duwang events an Japan, Korea, Malaysia, Bahrain, Hong Kong, Sri Lanka asin Egypt.
