Ibinasura kan Korte Suprema an mga petisyon ninda Atty. Vic Rodriguez, Berteni Cataluña Causing, asin Atty. Ernesto Francisco Jr. na kontra sa bagong ‘voting threshold’ kan Senate Impeachment Court.
Pareho nindang kinwestyon an interpretasyon kan Senado sa kinakaipuhan na ‘two-thirds vote’ para magkaigwa nin ‘conviction’ sa sarong ‘impeachment case’.
Kan Setyembre 23, nagkasararo an Senado na an mga ‘legally’ asin ‘actually able to participate’ sana sa mga pagdangog an maninigo na makaboto.
Alagad, ipinapawalang-bisa ini ninda dating Executive Secretary Vic Rodriguez asin Atty. Ernesto Francisco sa Kataas-taasang Hukuman.
Mantang iginiit ni Berteni Cataluña Causing na dapat mabilang pa man giraray sa botohan an ibang mga senador dawa pa nagtatago, nakadetene, o may medikal na pangangaipo.
Alagad, ibinasura sana kan Korte Suprema an magkakasuway na petisyon, asin sinabi na mayo ining supisyenteng ‘standing’ asin ‘premature’ an mga ini.
