Pinagsugo kan kataas-taasang hukom o korte suprema na gibuhong electronic an pagsunad sa mga kaso kan annulment asin nullity kan kasal.
Sa isinapublikong pahayag asin man abiso kan Supreme Court, dapat na soboot isumiter asin man isunad an mga siring na klase nin kaso gamit an electronic system kaini.
Basado kaya sa resolusyon kansuarin sana kan Supreme Court En Banc sa pinahewas na Rule 13-A kan Rules of Civil Procedure, minamandato kaini na ipa utob an electronic filing kan mga kasong partikular sa pagpapawarang bisa kan kasal.
Magin man an service of pleadings, pagsunad nin mosyon asin iba pang papeles na may koneksyon sa civil cases kan first- asin man second-level courts ay electronic na man.
Marururmduman na antes ipa-utob an pagbabagong ini ay dae pa saklaw kan Rule 13-A an special proceedings siring kan annulment asin nullity of marriage cases.
Kun saen mismo an Office of the Court Administrator an nagrekomendar na ibali an mga siring kaso nin huli ta pareho man an procedures to civil actions kaini.
Sigun man sa office of the spokesperson kan Korte Suprema, an inisyatibong ini an parte kan saindang mga lakdang sa iraraom kan Strategic Plan for Judicial Innovations 2022-2027.
