Nagpasalamat na ngunyan an actress na si Kris Aquino makalihis na marahay na an aki na si Josh gikan sa COVID-19.
Sa social media account kan actress ipinahiling kaini an boquet nin burak na itinao kan dae na kaini pigpangaranan.
Dugang pa si Kris, nakaluwas na sa ospital asin ngunyan nagpasalamat sinda huli sa itinaong burak sa saiyang aki.
Pigsaysay pa kaini na makalihis na magpositibo si Josh na-exposed man si Bimby kaya labi an saiyang paghadit.
Kan nakalihis man na 2022 nagpositibo na si Josh kan COVID-19 asin ini an dagusan man na narahay.
Marurumduman na nag-uli kan nakalihis na bulan nin Setyembre an tv host actress makalihis an pagpapabulong sa US huli sa saiyang anom na autoimmune disease.
Naka-isolate man ini ngunyan huli sa saiyang kondisyon asin padagos an pagluya kan saiyang immune system.
