Pighayag ni Kris Aquino an plano kaining maggibo nin video podcast, asin sinaysay na nami-miss na an mag-interview.
Sa saiyang Instagram, pigheras kan Queen of All Media an nagkapirang ladawan asin video puon Enero 24 asin 25.
Kaibahan sa mga ladawan an saiyang aki na si Bimby kan mag-atender sa sarong prusisyon sa simbahan, asin yaon man an fashion designer na si Michael Leyva.
Igwa man ining ipinahiling na ladawan dapit sa saiyang pinag-agihan na medical procedure asin padagos na pagpaparahay.
Advertisement
Sa pagtatapos kan saiyang post, nagsuba pa si Kris sa saiyang fans dapit sa sarong video podcast na plano kaining iluwas.
Marurumduman, kan Abril 2025, pigbuyagyag ni Kris na nakikipaglaban ini sa siyam na autoimmune diseases.
Advertisement
