Pigeheras ni Kris Aquino an panibagong update sa saiyang salud makalihis na ibuyagyag na igwa ining Deep Vein Thrombosis (DVT), sarong seryosong kondisyon na kawsa kan pagbibilog nin blood clots.
Sa ibong kan kondisyon, nagtitnir na positibo an Queen of All Media asin naglalaom na dagos-dagos an saiyang pagrahay.
Sa sarong Instagram post kan Pebrero 1, pigsaysay ni Kris na anomm na semana na ining naka-confine asin piglalaoman na makakapuli na sa laog kan pirang aldaw.
Pigpaliwanag kaini na dae pa pwedeng magbiyahe lunad nin eroplano hasta dae nawawara an mga blood clot.
Parte kan saiyang rehabilitation an pag-eehersisyo asin paglangoy, kaya naghagad ini nin tabang sa publiko sa paghahanap nin lugar na igwang swimming pool na harani sa mga ospital.
Ipinahiling man ni Kris an saiyang pasasalamat sa medical team na magtutok sa saiyang bulungan asin iheras an saiyang excitement sa nararaning kompleanyo sa Pebrero 14, na pig-apod kaini na posibleng “rainbow year” makalihis an mga pinag-agihan na huma.
Sa ibong kan saiyag kamugtakan, pigsaysay ni Kris na padagos ining naglalaban para sa saiyang mga aki na sinda Josh asin Bimby, asin padikit-dikit man na pinagpepreparan an pagbabalik sa paggibo nin sarong video podcast na padikit-dikit kaining pupuonan depende sa saiyang kondisyon.
