NAGA CITY-Kumpiskado ang nasa P510-K na halaga ng iligal na droga mula sa isang drug personality sa isinagawang buybust operation sa Purok 7 Brgy Dalahican, Lucena City.
Kinilala ang suspek na si alyas Oland, 37-anyos, residente ng Purok Masagana Brgy Ibabang Iyam, Lucena City.
Sa nakalap na impormasyon ng Bombo Radyo Naga sa Quezon Police Provincial Office, napag-alaman na naaktuhan ng mga otoridad si Oland na nagbebenta ng iligal na droga matapos na makabili dito ang poseur buyer ng isang pirasong plastic sachet ng pinaghihinalaang shabu, na nagkakahalaga ng nasa P12-K.
Maliban sa buybust item nakumpiska pa sa suspek ang isang pouch wallet at apat na pirasong plastic sachet ng pinaghihinalaang shabu.
Tinatayang mayroong kabuuang bigat na 25 grams at nagkakahalaga naman ng nasa P510-K.
Sa ngayon, nasa kustodiya na ng mga otoridad ang suspek para sa karampatang kaparusahan.
