Naghihidali na an Los Angeles County tangani dagusan nang matumtom an nangyayari na wildfire.
Sinabi ni Los Angeles County Fire Chief Anthony Marrone, na nag abot na an mga dugang na tubig gikan sa manlen-laen na estado kan US.
Pigrerekasan ninda an nasambitan ng pag-apula huli sa pagkahadit na igwa nin papaabuton na makusog na duros na nagkakawsa nin pagdakula pa kan kasulo.
Sa coastal Palisade fire kaya igwa nin 11 porsyento kaini an naapula na mantang sa Eaton Fire sa Altadena an igwa nin 27 percent na an naapula man.
Maabot man sa 29 indibwal an pig arestar kan mga otoridad sa pigpautob nindang curfew na nagpipirit na magbalik sa saindamg mga harong, mantang an nagkapira man pig arestar huli sa panglalaog sa mga nawalat na harong.
Padagos an pangapudan ni Marrone sa mga residente na intindihon an saindang trabaho nin huli ta kadakol na mga bumbero an nagdoble kayod tangani dagusan na maapula an kasulo.
