Nagdeklarar na nin state of calamity an pinakamatawong siyudad sa estado kan Los Angeles, California USA makalihis magbungkaras an mahewasang wildfires.
Sa pinakabagong datos gikan sa California’s Department of Forestry & Fire Protection, nagdoble pa an hewas kan wildfire na marekas na nagkuriyat sa nakalihis na 3 oras na nasa 2,921 ektarya.
Kawsa kaini, sigun ki LA fire chief Kristin Crowley, labi 30,000 katawo na an pigsugo na mag-ebakwar asin 13,00 edificio man an under threat huli sa wildfire.
Mahihiling sa pirang footage an pirang kaharonang na nasulo sa Pacific Palisades area asin inabandona kan mga residente an saindang mga behikulo tanganing makadulag gikan sa hagupit kan wildfire. Nagpuon na magbungkaras an wildfire bandang 6:30 nin pagkabanggi, Greenwich Mean Time (GMT) kan Martes o 2:30 nin mag-oomagahon kan Miyerkules, oras sa Pilipinas.
Naghewas pa ini huli sa bugso kan duros sa lugar na 50 mph (80km/h) asin dry conditions. Sa ngunyan, nasa irarom kan red flag warning an milyun-milyong katawo sa California na boot sabihon na igwa nin extreme o malalang panganib o huma nin wildfire.
