NAGA CITY-Arestado an pitong persona sa magkakasuhay na anti-drug operation sa probisnya nin Quezon.
Sa nagunong impormasyon kan Bombo Radyo Naga, napag-araman na nag-abot sa anom na mga suspek an saindang nadakop sa magkakasuhay na buy bust operation sa mga banwaan kan Pagbilao, Calauag, Sariaya, Mauban asin sa ciudad nin Lucena kun saen natipon an 19 sachet nin pigtutubudang shabu.
Apwera digdi, narekober man an shabu na igwang gabat na 5.23 grams na nag-abot sa kantidad na ₱35,564 sa pigkondusir na buy bust operation sa banwaan kan Candelaria.
Nagtitinir na an mga suspek sa kustodiya kan mga otoridad tanganing kahampangon an kasong pagbalgar sa RA 9165 o an Comprehensive Dangerous Drugs Act of 2002.
