NAGA CITY– Kinakarkulong maabot sa 100 local tourist an stranded ngunyan sa Calaguas Island sa probinsya nin Camarines Norte huli sa raot kan panahon.
Sa entrevista kan Bombo Radyo Naga ki Petty Office 2 Bobby Camacho kan Philippine Coast Guard (PCG)-Vinzons, sinaysay kaini na huli sa raot kan panahon na presenteng nae-eksperyensyahan sa probinsya kung kaya dae muna ninda pigtugutan na makahale sa nasambitan ng isla an mga bisita.
Sigon ki Camacho, duwang aldaw nang nagtitinir sa nasambitan ng lugar an mga turista alagad tinawan duon kaini na hasta sa mayo sindang naririsibeng report gikan sa PAGASA na pigbaba na an nakabanderang gale warning, dae ninda tutugutan na maglawod an 10 motor banca na kabale sa na-stranded sa isla.
Mientrastanto, apwera sa nasambitan ng mga stranded passengers, igwa man soboot nin sarong turista an narescue makalihis mairidu kan aksidenteng nahalnas mantang nagpipicture taking.
Nangapudan man an Coast Guard sa publiko na dae na magpirit na makaoag sa nasambitan ng isla huli ta mahigot an saindang pagbabantay para malikayan na mabugtak sa alanganon an saindang mga buhay.
An Calaguas Island an bistado komo summer capital sa probinsya nin Camarines Norte na pigdadayo kan mga turista tuyong summer season.
