Mapakol sa labi duwang milyong katawo an nag-atendir sa libreng konsiyerto kan singer na si Lady Gaga sa Copacabana beach sa Rio de Janeiro.
Ini an pigkokonsiderar na pinakadakulang konsyerto kan pop star na binayadan kan siyudad tanganing mabuhay liwat an ekonmiya kan nasyon.
Piglalaom kaya kan gobyerno na an nasambitan ng konsyerto an madara sa sainda nin $100 milyon na kita sa ekonomiya.
An konsiyerto na ini ni Lady Gaga an parte kan saiyang pang-walong album na “Mayhem” kun saen kabali digdi an mga sonata siringkan “Abarcadabra” asin “Die With a Smile”.
Huri ining nagperform sa Brazil kaidto pang 2012 kun saen amay pa sana, nagpila na an mga fans asin pig-abot nin pirang oras antes makalaog sa lugar.
Marurumdoman, kan Mayo 2024 kan magsagibo man nin libreng konsyerto an singer na si Madonna asin ini an pigbayadan man kan siyudad.
