Maabot sa 2,200 na mga Pilipino an naghahalat ngunyan nin repatriation huli sa nagpapadagos na iriwal sa ibang nasyon, mantang pigkakarkulong 200,000 an posibleng nangangaipo nin tabang pinansyal ngonian na taon.
Sa pagdangog sa House Committee on Ways and Means, si Department of Migrant Workers Sec. Hans Leo Cacdac pigheras na padagos na nagdadakol an bilang kan mga naghahagad nin tabang huli sa fluctuating o fluid na sitwasyon kan krisis.
Apwera sa listahan kan mga gustong mag-uli, nakaresibe pa an ahensya nin dagdag na 3,500 na aplikasyon para sa financial assistance.
Pig-eksplikar kan opisyal na namamatean na kan mga trabahador an epekto kan krisis huli sa mga negosyo na nagbabawas kan oras nin trabaho o nag-iimplementar nin temporary suspension of work.
Tanganing mapreparar an kinakaipuhan na pondo, pig-agid kan ahensya an sitwasyon sa COVID-19 pandemic kun saen maabot sa 500,000 an natawan nin ayuda sa laog nin duwa hasta tolong taon.
