Padagos na pigbabantayan kan gobyerno an epekto kan Bagyong Tino na nakakaapektar na sa labi 340,000 katawo gikan sa 1,397 barangay sa mga rehiyon kan MIMAROPA, Bicol, Western asin Central Visayas, Eastern Visayas, Caraga, asin Negros Island Region, sigun ki Presidente Ferdinand Marcos Jr.
Sigun sa Presidente, tulos na isinagibo an pre-emptive evacuations tanganing masierto an kasalbaduhan kan mga residente.
Sa presente, labi 175,000 katawo an paramientras na nagdadagos sa mga evacuation centers sa mga apektadong lugar.
Naka-preposition na an DSWD nin mga food packs asin relief goods na preparado nang iheras.
Mientrastanto, nagsimbag na an DOE asin NEA sa mga report kan power outages, mantang an DPWH asin MMDA an nagpapahiro sa mga clearing teams tanganing linigon an mga dalan.
Mapasiring man an nagkapirang miyembro kan Gabinete sa mga pinaka-apektadong probinsiya tanganing personal na aramon an kamugtakan kan mga residente asin siertuhong naibebweltada tulos an mga primerong serbisyo.
Pig-eenkaminar man kaini an publiko na matinir na alerto asin magdangog sa abiso kan mga lokal na opisyal para sa saindang kasalbaduhan.
