Nag-abot na sa labi 450,000 atawo an nag-ebakwar gikan sa Gaza City pasiring sa katimugang parte kan Gaza mantang padagos na pigpapahewas kan Israel an saindang opensiba kontra sa Hamas, sigun sa Israel Defense Forces (IDF).
Sa sarong press briefing kan nakalihis na Huwebes, sinaysay ni IDF Spokesperson Effie Defrin na duwang dibisyon na kan Israeli an presenting nasa Gaza City asin piglalaomang sarong dugang na dibisyon an ibabali sa mga operasyon sa mga masunod na aldaw.
Napag-araman na puon kan ilunsar an ikaduwang kabtang kan opensiba sa Gaza City, labi 1,200 na soboot kan mga teroristang grupo an nasupil kan mga puwersa kan Israel.
Mientrastanto, ipinagpauktaba man kan International Rescue Committee (IRC) an saindang operasyon sa Gaza City huli sa naglalalang sitwasyon sa lugar.
Huli digde, nagpundo na man an tabang tanganing protehiran an mga kababaihan asin mga aki siring man an tamang pagtatao nin tabang medical para sa mga igwang helang asin mga bados sigun sa emergencies at the humanitarian aid organization.
