Piglalaoman kan Civil Aviation Authority of the Philippines (CAAP) na labi 5.8 milyong pasahero an madagsa sa mga palupadan sa bilog na ngunyan na Nobyembre asin Disyembre, dara kan Undas asin kan nagdadangadang na pagselebrar kan Pasko.
Sigun mi Eric Apolonio, Spokesperson kan CAAP, piglalaomang ms malangkaw an numero kan mga pasahero ngunyan na taon kumparar sa nakalihis na taon, na nagpako sana sa 4.8 milyon.
Mientrastanto, pigreport kan ahensiya na mayo man mga insidente na naikurit sa mga palupadan katakod kan pag-obserbar kan Undas 2025.
Pig-abisuhan man kan CAAP an publiko na magbalom nin pasensiya huli ta piglalaomang magigin halangkaw an numero kan mga pasahero, orog na sa mga mabweltada gikan sa probinsiya.
Pigtawan-duon man ni Apolonio an importansiya kan pagigin maingat asin paglikay sa mga suba dapit sa bomb threat, tanganing makadugang nin abala sa mga operasyon kan palupadan.
