Pigpuonan na kan Commission on Elections (COMELEC) an pagde-deploy kan first batch kan nas labi 7.5M na mga balota para sa National Capital Region (NCR).
An kaibahan sa mga first batch iyo an Caloocan, Pasig, Marikina, Valenzuela, Quezon City, Malabon, Navotas asin San Juan.
Igwang masunod pang mga batch kan balota na ipapadara saaga.
Pinangenotan ni Commission on Elections (COMELEC) Chairman George Erwin Garcia an pagdedeploy kan mga balota.
Pig-enkaminar man kaini an kandidato, interest asin citizens group na i-witness an pagreresebir kan mga balota sa saindang mga lugar.
Katakod pa kaini, mahihiling man na pig-selyuhan an mismong truck na pagbubugtakan kan mga balota tanganing masierto an seguridad kan mga ini.
An gabos kan mga balota an posibleng makua kan mga Electoral Board Members sa domingo o maski madaling araw kan Lunes sa mga Treasurer’s Office.
Pagsierto ni Garcia na dae man ini makakaapektar huli ta hararani sana an mga presinto.
Katakod pa kaini, pig-anunsyar man ni Garcia na naresebir na man kan manlaen-laen na lugar an mga balota pati na man an iba pang election paraphernalia.
Mayo man soboot nagin probkema sa mga nagin deployment para sa ngunyan na eleksiyon.
