Nakaresiber an Comelec nin total na 104 na petisyon na naghahagad kan deklarasyon kan nagkapirang mga aspirante para sa 2025 midterm elections komo nuisance candidate.
Susog sa clerk office kan poll body, an gabos na 104 na pig-file na petisyon nagtitinir na pending para sa imbestigasyon.
Mismong an komisyon naka-record nin 117 special action cases na naghahagad man na ideklarar an sarong aspirante komo nuisance candidate na subject sa saindang sadiring imbestigasyon.
Apwera digde, igwa man nin 24 special action cases na pigsangat tanganing kanselaron an certificate of candidacy (COC) kan nagkapirang aspirante asin man sarong kaso para sa disqualification.
Sa kabilogan, segun sa poll body, nakaresiber sinda nin 246 na special action cases igwa nin koneksyon sa eleksyon sa masunod na taon.
Nagpromesa na si Comelec chairman George Garcia na maresolberan ninda an mga kaso na may kinaaraman sa mga nuisance candidates sa katapusan kan Nobyembre ngonian na taon.
