NAGA CITY- Labi sa 200 na mga depektibo suboot na kilohan na nakumpiskar kan mga kabuhan kan Naga City People’s Mall (NCPM) an nirunot subagong aga na ginibo sa City Hall grounds sa ciudad nin Naga.
Sa entrevista kan Bombo Radyo Naga ki Mon Florendo, market superintendent kan Market Enterprise and Promotions Office (MEPO), sinaysay kaini na kabilugang 215 na mga kilohan an saindang nakumpiskar poon kan ipautob an citywide registration and calibration sa ciudad.
Kadaklan suboot sa mga kilohan na ini dae na pigtutubod kan mga maysadiri huli ta mas mahal pa suboot an multa kun kukuanon pa ini kumparar kun mabakal na sana nin bagong kilohan.
Tinawan doon man ni Florendo na obheto kan nasambitang operasyon na masierto na yaon sa tama an kilo kan mga pigbabakal na produkto kan mga customers sa Naga City People’s Mall.
