Labi sa 2,000 pulis an ipinakuriyat sa manlaen-laeng parte kan Central Luzon magpuon sa Miyerkules tangani man pahiguton an seguridad asin man mabawasan an kriminalidad sa bangi.
Sigun ki PRO-3 Regional Director Brig. Gen. Jean Fajardo, parte ini kan kampanya kan Philippine National Police (PNP) tangani magkaigwa nin mas salbado asin disiplinadong komunidad.
Sigun ki Fajardo, an mga operasyong ini an simbag sa pangapudan kan Presidente para sa sarong mas salbado asin disiplinadong lipunan.
Nakatuon an deployment sa mga urban centers, probinsyal na kabisera, commercial districts, transport terminals, asin iba pang matatawong lugar sa rehiyon.
Pigbibilog an mga patrol team kan mga personnel gikan sa manlaen-laeng Police Provincial Offices asin Regional Mobile Force Battalion.
Gamit ninda an mga makabagong teknolohiya siring kan crime mapping, incident analysis, asin predictive policing tangani mapamarhay an saindang operasyon.
Pigsierto ni Fajardo na naka-alerto an kapulisan sa rehiyon 24/7 tangani protehiran an buhay, mga pagsadiri, asin katrangkiluhan kan kada komunidad.
