Pigbabantayan na man kan Armed Forces of the Philippines (AFP) an labi sa c400 lugar sa bilog na nasyon na enot tinukoy kan Commission on Elections komo mga ‘areas of concern’.
Sigun ki AFP Spokesperson, Colonel Francel Margareth Padilla, nagpuon nang magtabang an mga suldados na nasa ground sa mga local police na pangenot na nagbabantay sa kada lugar.
Igwa soboot na 18,000 suldados na andam na mag alalay sa Pulisya asin Comelec tangani sana na masierto an pakarhay asin salbadong halalan sa bulan nin Mayo.
Nakahanda man an AFP na magdagdag nin pwersa sa nagkapirang mga lugar na mangangaipuhan pa nin dugang na security forces huli sa matitinding iriwal o kariribokan sa pulitika.
Basado sa datus na iniluwas kan Comelec, maabot sa 49 na lugar gikan sa Bangsamoro Autonomous Region in Muslim Mindanao an nasa irarom ngunyan sa yellow category.
Igwa man nin 53 lugar gikan sa Region 8,9,10,12, CAR asin CARAGA an nasa orange category.
Sa irarom kan red category, igwa nin 38 na lugar na pigbabantayan digde gikan sa Region 2,5,6,8 asin BARMM.
Nagkapira sa nagin basehan kan Comelec sa ginibong deklarasyon iyo an historya kan kadahasan sa mga nakalihis na halalan, naglalang iriwal sa pag ultanan kan mga magkakalabang kandidato, asin iba pa.
