Posibleng maglaog an Severe Tropical Storm Cempaka, sa Philippine Area of Responsibility (PAR) pagkabanggi ngonian na Dominggo o amay na aga kan Lunes, Nobyembre 9, segun sa PAGASA.
Alagad, dai ini piglalaoman na direktang makakaapekto sa nasyon.
Apodon ining “Samuel” oras na makalaog na sa PAR.
Huring namasdan an bagyo na nasa 1,865 kilometro subangan kan Extreme Northern Luzon, na may kusog nin duros na minaabot sa 110 kilometro kada oras asin gustiness na sagkod 135 kilometro kada oras.
Mientrastanto, pighuhuna na magdadara nin madiklom na kalangitan asin pag-uran an hanging amihan sa nagkapirang parte kan Hilagang Luzon.
An easterlies man an magtatao nin mga pag-uran asin pagkidlat-pagdaguldol sa Bicol Region, Eastern Visayas, Quezon asin nagkapirang parte kan Mindanao.
Laoman man an panaka-nakang pag-uran asin thunderstorms sa Metro Manila asin iba pang parte kan nasyon.akakaapekto sa nasyon. Magdadara nin uran an amihan asin easterlies.
