Nagpakol sa kabilugan na P253.378 billion an pigtagama na pondo kan Department of Budget and Management (DBM) tanganing magamit komo cash assistance o ayuda.
Ini nakapalaog sa panukalang budget para sa taong 2025.
Sigun sa Department of Budget and Management pokus ini sa implementasyon kan mga economic asin social transformation programs kan Marcos administration na nakapalaog sa irarom kan Philippine Development Plan (PDP) 2023-2028.
Marurumduman, sakop kaini an manlaen-laen na mga programa siring kan mga minasunod: Rice Farmers Assistance program and Fuel Assistance to Farmers and Fisherfolk kan Department of Agriculture; Cancer Assistance Fund, Medical Assistance to Indigent asin Financially-Incapacitated Patients kan Department of Health; Tabang Panghanapbuhay sa mga Disadvantaged Workers Program kan Department of Labor and Employment; Ayuda sa Kapos Ang Kita Program asin Pantawid Pamilyang Pilipino Program kan Department of Social Welfare and Development, asin iba pa.
Sigun pa digde, an pagtatagama nin dakulang pondo komo ayuda sa mga kwalipikadong benepisyaryo an paagi kan presenteng administrasyon tanganing mai-angat an kalidad kan buhay kan mga ini.
Sa presenteng taon, nagtagama an gobyerno nin P318.5 billion.
