Ipinaluwas na kan Department of Budget and Management (DBM) an gabos na pondo na itinagama para sa implementasyon kan Salary Standardization Law VI.
Sigun ki Budget Secretary Amenah Pagandaman, labi sa P36-B an ipinaluwas na pondo kan departamento sa 308 departamento asin ahensya.
Katakod kaini, nangapudan an sekretaryo sa mga pamayo kan mga departamento asin ahensya na padalion an implementasyon kan salary adjustment.
Kabali digdi an pagpaluwas nin mga Notices of Salary Adjustment nganing maiimplementar an paglangkaw kan sweldo.
Kan nakaaging bulan kan inaprobaran ni Presidente Ferdinand R. Marcos Jr. an paglangkaw kan sweldo para sa mga sibilyan na empleyado kan gobyerno na iimplementar sagkod sa 2027.
