Pinahimutukan ni Senador Panfilo “Ping” Lacson na sadyang pakana an P50-milyong pabuya asin ultimatum para ki Senador Ronald “Bato” dela Rosa tanganing mapugolan an saiyang pagboto sa impeachment trial ni Vice President Sara Duterte.
Sa presente nagtatago si Dela Rosahuli sa warrant of arrest hale sa International Criminal Court (ICC) manungod sa kampanya kontra droga kan nakaaging administrasyon.
Ipinaliwanag ni Lacson na an pagkawara ni Dela Rosa, kun huli sa pagtatago, dai makakabilang sa bilang kan kinakaipuhan na 2/3 na boto para sa conviction sa impeachment court.
An gobyerno nag-anunsyo nin P50-milyong pabuya para sa ikadarakop ni Dela Rosa, mantang an Philippine National Police (PNP) nagtao nin sarong semana saiya para sumuko.
Nagbabala si Lacson na an pagluwas ni Dela Rosa sa Senado para sana magboto magpapahiling nin dakulang peligro sa saiyang seguridad asin makakapagpukaw nin hapot sa pagiging epektibo kan mga awtoridad.
Kinukwestyon man kan mga abogado ni Senador Dela Rosa an legalidad kan nasabing pabuya.
