Dae dapat pangenotan ni Senate Minority Leader Alan Peter Cayetano an magigin desisyon kan Presidente sa pagpili nin magigin kapalit ni Vice President Sara Duterte kun tulos na mapahali ini sa saiyang pwesto.
Ini an pig-insistir ni Lacson matapos na hagadon ni Cayetano sa saiyang mga kapwa Senator-Judges na, arog ki presiding officer Chiz Escudero, idedeklara man ninda na dae ninda aakoon an pwesto kan Bise Presidente kun ma-impeach si VP Duterte.
Segun ki Lacson, dae man tama si Cayetano na pangunahan an magigin desisyon kan Presidente sa pagpili nin masunod na Bise Presidente.
An sabi niya, an itatalaga sa nasabing pwesto sarong “prerogative” kan Presidente asin siya an bahala na magpili digdi.
Tinukoy ni Lacson na saro sa mga matunog na napipili para sa pagka-Bise Presidente iyo si Senador Lito Lapid asin ipinagkakait sa senador an oportunidad kun ipipirit na an gabos na senador magdeklara na dae ninda aakoon an posisyon kan Bise Presidente
