NAGA CITY – GADAN an sarong lalaki makalihis pagbabadilon kan dae pa nabibistong suspek sa Mulanay, Quezon.
Binisto an biktima na si Roque France Goiz, 41-anyos, residente kan Brgy. Magsaysay, sa nasambitan ng banwaan.
Sa nagunong impormasyon kan Bombo Radyo Naga sa Quezon Police Provincial Office, napag-araman na mantang nagtuturog an biktima sa saindang harong, kan bigla na sanang nag-abot an dae pa nabibistong suspek asin pinagbabadil an biktima gamit an dae pa maaraman na klase kan badil.
Sa inisyal na imbestigasyon kan mga otoridad, napag-araman pa na nagsapo nin lugad sa manlaen-laen na parte kan saiyang lawas si Goiz alagad nakadulag pa ini pasiring sa luwas kan saindang harong.
Alagad, huli sa pirang tama kan bala nin badil, dagusan man giraray binawian nin buhay an biktima.
Sa ngunyan, nagpapadagos pa an pigsasagibong imbestigasyon kan mga otoridad orog na an posibleng pagkakabistohan asin kinamumugtakan kan suspek na tolos nagdulag makalihis isagibo an krimen.
