Aram baya nindo mga ka-Bombo, sarong lalaki gikan sa Germany na dati naman naipuli an Guinness World Record para sa saiyang collection kan nasa 6,100 snow globes kan 2002 pigheras na nag-abot na sa 11,000 pidaso an saiyang koleksyon.
Susog sa report, si Josef Kardinal matrayumpong nalampasan an saiyang record para sa pinakadakol na koleksyon kan snow globes kan magbisita an adjudicator kan Guinness sa saiyang harong sa Nuremberg kun saen pigkumpirmar na nagpakol na sa 11,000 an saiyang manlaen-laen na klase kan snow globes.
Sigun ki Kardinal, na nagpuon pa kan saiyang pagkolektar kan snow globes kan taong 1994, na an pinakagurang na item sa saiyang koleksyon iyo an Eiffel Tower-themed snow globe na gibo sa Paris kan 1889.
Sa ngunyan, dakula man an pasasalamat ni Kardinal sa Guinness World Record para sa nasambitan ng pagbisto.
