NAGA CITY- Irido an sarong lalaki makalihis saksakon sa Tiaong, Quezon.
Binisto an biktima na si Michael Nesolada Liwanag, 47-anyos, residente kan Sitio Villa, Brgy. San Juan, sa nasambitan ng banwaan. Sa nagunong impormasyon kan Bombo Radyo Naga sa Quezon Police Provincial Office, napag-araman na mantang naglalakaw an biktima sa pathway harani sa saiyang harong kan bigla ining tapaan kan suspek na binistong si alyas Christopher, nasa legal na edad asin residente man kan nasambitan ng lugar.
Sa inisyal na imbestigasyon kan mga otoridad, nagkaigwa nin mainit na diskusyon an duwa, rason tanganing magdalagan an suspek palaog sa harong kan biktima tanganing magkua nin kutsilyo asin digdi na kaini pinagsasaksak si Liwanag.
Huli digdi, nagsapo nin lugad sa manlaen-laen na parte kan saiyang lawas an biktima na tolos man pigdara sa ospital para sa asistensya medikal.
Meintrastanto, tolos man na nagdulag si alyas Christopher gamit an pigmanehon kaining motorsiklo pasiring sa deriksyon kan Candelaria, Quezon, makalihis isagibo an krimen. Mantang narekober man an kutsilyo na ginamit kaini sa pananaksak ki Liwanag 1 km an rayo sa pinangyarihan kan insidente.
Sa ngunyan, nagpapadagos pa an pagsusug kan mga otoridad sa nasambitan ng suspek.
