Aram baya nindo mga-Bombo, kasuarin sana naireport kan sarong ospital sa Vietnam an pambihirang kaso kan sarong 24-anyos na lalaki na igwang kahoy na chopstick na nakasabit sa saiyang eye socket sa laog kan tolong semana na dae nanunutaran.
An dae pigpanngaranan na lalaki, naka-admit sa Can Tho University of Medicine and Pharmacy sa Can Tho Province kan Vietnam, kun saen ini na man naka-ekperyensiya kan pagkulog asin pamamaga sa walang mata.
Sinaysay kan 24-anyos na pasyente sa mga doktor na namate kaini an mga sintomas sa laog kan haros tolong semana alagad naglala an mga ini kan mga nakalihis na aldaw.
Dati na soboot ining naghagad nin tabang medikal sa ibang pasilidad sa saindang lugar, alagad pakatapod hilingon an saiyang mata asin kun igwang ibang bagay digde, nagreseta sana nin bulong alagad dae napatunayan na ini man epektibo.
Dinara an lalaki sa Can Tho University Hospital, kun saen liwat na pigkompirmar kan mga doktor na igwa ining 10/10 na paghiling, na mayong mga palatandaan kan danyos sa eyeball.
Siring man, sa walang mata kaini naglitaw an pamamaga asin igwan sarong sadit na nana na gikan sa saiyang walang mata.
An kasunod na CT scan nahiling na ini igwang 9-cm na laba kan kakaibang bagay na nakabugtak sa saiyang eye socket.
