NAGA CITY- Patay ang isang lalaki matapos pagsasaksakin nang kainuman sa Brgy. Taluong, Polillo, Quezon.
Kinilala ang biktima na si Marlon J. Garcia, 43-anyos, residente ng nasabing lugar.
Sa nakalap na impormasyon ng Bombo Radyo Naga sa Quezon Police Provincial Office, napag-alaman na habang nag-iinuman ang biktima at ang suspek na si Erick Garcia Catasan, residente rin ng nasabing lugar nang magkaroon ng mainit na argumento ang dalawa na nagin dahilan nang pananaksak ni Catasan sa biktima.
Sa inisyal na imbestigasyon ng mga awtoridad, nabatid na dahil sa insidente, nagtamo nang ilang saksak sa tiyan ang biktima na nagin dahila sa agaran nitong kamatayan.
Samantala, kaagad naman na tumakas ang suspek papunta sa hindi pa matukoy na direksyon.
Sa ngayon, nagpapatuloy ang isinasagawang imbestigasyon ng mga awtoridad gayundin ang paghahanap sa posibleng kinaroroonan ng suspek.
