Aram baya nindo mga ka-Bombo, kinakaipuhang tabangan an sarong lalaki sa Brazil na nagpasikat asin pigkawatan an nadakop na sawa makalihis sakmalon ini sa dungo kan purbaran kaining hadukan.
Pigrani pa kan lalaki sa mga tawong nakapalibot sa saiya an kapot na sawa na garo pigpapatakot.
Nagpadagos an pasikat kan lalaki asin kan hahadukan kaini sa likod kan payo an sawa biglang nag atubang saiya an sawa asin kinagat ini sa dungo.
Dae nagbutas an sawa sa pagkakagat sa dungo kaya kinakaipuhan ining tabangan kan mga tawo.
Apwera sa lugad sa dungo, mayo na man ibang pigsapo na lugad an lalaki.
Bako man makamandag an sawa na nagkagat saiya na sarong boa constrictor.Mahihiling an mga halas na ini sa Central asin South America, na kadalasan yaon sa agricultural area asin rainforest.
Pwedeng mag abot an laba kan mga halas na ini nin hasta labing apat na metro.
