NAGA CITY- Sugatan ang isang lalaki matapos na pagsasaksakin ng isang lalaki sa Lucena City.
Kinilala ang biktima na si Abbyruzz Pacheco Dayo, 21-anyos, residente ng Brgy. 1 sa nasabing lungsod.
Sa nakalap na impormasyon ng Bombo Radyo Naga sa Quezon Police Provincial Office, nabatid na nagkarron ng pagtatalo ang biktima at ang suspek na si Matt Imperial na kalaunan ay nauwi sa suntukan ng dalawa hanggang sa kumuha na lamang ng matalim na bagay ang suspek at inundayan ng saksak si Dayo.
Dahil sa insidente, nagtamo ng sugat sa iba’t-ibang bahagi ng kaniyang katawan ang biktima na agad naman na dinala sa ospital para malapatan ng lunas habang mabilis naman na nakatakas ang suspek matapos ang insidente.
Sa inisyal na imbestigasyon ng mga awtoridad, sinasabing dahil sa hindi pagkakasundo sa trabaho ng kanilang live-in partners ang ugat ng tensiyon sa pagitan ni Dayo at Imperial.
Sa ngayon, patuloy pa ang imbestigasyon ng mga awtoridad gayundin ang pagtugis sa nakatakas na suspek.
