Sarong kakaibang libangan an nagdara ki David Morgan sa Guinness World Records makalihis kaining maipon an pinakadakulang koleksiyon kan traffic cones sa bilog na kinaban.
Nagpuon an gabos kan nakalihis na 1986 huli sa sarong kasong legal. Komo empleyado kan sarong plastics company, kinasuhan sinda kan sarong kariba na manufacturer huli sa isyu kan design copyright.
Tanganing paganahon an kaso, ginalugad ni Morgan an bilog na United Kingdom tanganing mahanap an manlaen-laen na klase kan traffic cones komo ebidensiya asin paghahambing, sarong taktika na nagin matrayumpo.
Makalihis na manggana sa korte, dae na naawat si Morgan sa saiyang pangongolekta huli ta namangha ini sa dakol kan hugis asin kulay kaini.
Puon sa 137 pidaso kan nakalihis na taong-2000, naglobo ini sa labi 500 na manlaen-laen na modelo sa manlaen-laen na parte kan kinaban, kaibahan na an nakua kaini kan honeymoon asin mga bihirang pidado gikan sa mga punerarya.
Nilininaw kaini na dae kaini hinabonan an cone sa tinampo huli ta delikado ini sa mga motorista, imbes nakiulay ini sa mga foreman o kaya nakikipagribayan nin dara kaining spare tanganing idugang sa saiyang koleksiyon na madalas kaining pig-didisolay sa saiyang bakuran.
