NAGA CITY- Dead on arrival an sarong lalaking nagbibisekleta makalihis na maligis kan nakasunod na pampasaherong Truck Bus sa kalabaan kan tinampo sa Zone-1, Brgy. Del Rosario,Pamplona, Camarines Sur.
Binisto an nagadan na si Rico Ojeda, 37 anyos.
Sa nagunong impormasyon kan Bombo Radyo Naga napag araman na nagbibisekleta sana sa kalabaan kan tinampo sa nasambitan ng lugar si Ojeda kan aksidente ining maligis kan nagsusunod na pampasaherong Truck Bus na minamaneho man ni Jose Largo Jr na naging rason tanganingf maglitong ini pasiring sa gilid kan tinampo.
Nagsapo nin lugad sa manlaenlaeng parte kan saiyang lawas si Ojeda na tulos man idinalagan sa ospital alagad ideneklarar na ining dead on arrival kan mga doktor.
Sa inisyal na imbestigasyon kan mga otoridad napag aramang pasiring kuta na sa Maynila an pampasaherong Truck Bus kan mangyare an nasambitan ng aksidente.
Sa ngunian, nasa kustudiya na kan mga otoridad an driver kan pmapasaherong Truck Bus mantang pineprepar na man an kasong isusunad kontra digdi.
Meintrastanto, nagpapadagos pa man an imbestigasyon kan mga otoridad manungod sa nasambitan ng pangyayari.
