NAGA CITY – Aram baya nindo mga ka-Bombo na sarong lalaki an pig-libre an mga amigo kaini asin an bar staff alagad dai binayadan an haros ₱84,000 na bill, rason tanganing sunadan ini nin kaso.
Nangyari an insidente sa sarong resto bar sa Ramon Magsaysay Street, Sampaloc, Maynila. Despedida kan nasambitan ng lalaki antes ini magsakay sa barko komo seaman kaya nagpa-open-bar treat ini sa saiyang mga amigo asin magin sa staff kan resto bar.
Sigun sa waiter kan nasambitan ng establishment nag-abot soboot an suspek asin nag-abiso na magkakaigwa sinda nin inmuman kan saiyang mga barkada asin igwa soboot ini nin ₱15,000 na budget.
Alagad maski naglampas na sa ₱15,000 an bill kaini, padagos pa man liwat ini sa kaka-order asin dai soboot nagpundo.
An ulay man ninda mabayad an lalaki pag-abot kan oras nin nasa tahaw nin ala-1 hasta alas-3 nin pagkaaga.
Kan alas-3 na nin pagkaag, nag-abot na soboot an bill sa ₱83,480 kun saen pigranihan na an lalaki asin kaibanan kaini kan waiter.
Kan naaraman kan lalaki an saiyang bill naanggot ini asin kinulgan an waiter, asin dai man pigbayadan an nasambitan ng bill.
Huli igdi, naghagad nin tabang an nasambitan ng resto bar staff sa Sampaloc Police Station, rason tanganing arestaron an lalaki asin an kaibanan kaining babae.
Sa ngunyan kakasuhan nin estafa asin physical injuries an lalaki asin an kaibanan kaini.
