Aram baya nindo mga ka-Bombo, pig-apod na multo kan mga kaparientes an sarong lalaki na pighuna nindang gadan na asin piglubong pa ninda kan bigla ining magpuli nin buhay sa Sual, Pangasinan.
Sinabing kan nakalihis na Agosto 4 kan igwa nin mahiling na kabanga kan lawas kan sarong lalaki an pighampas kan alon sa kagapoan sa Burgos, Pangasinan.
Pighuna kan mga kaparientes ni Eduardo Gille Sr., residente kan Barangay Seselangen sa Sual, na ini an nadukayan na lawas nin huli ta naghali ini kan Agosto 1 asin dae na liwat nahiling.
Nin huli ta baywang pababa sana an parte kan lawas, pinagbatayan kan mga kaparientes ni Gille an palatandaan sa bitis kaini kaya pig-ako kan pamilya an bangkay, pinaglamayan nin duwang banggi asin piglubong kan Agosto 7.
Sigun man ki Gille, naghali ini kan Agosto 1 makalihis sindang magkaigwa nin tampuhan kan saiyan agom. Dae naman sinaysay kaini kun saen ini nagduman.
Dae man malikayan kan kaparientes kaini na manghinayang sa saindang nagastos sa lamay asin pagpapalubong sa bangkay. Sigun man sa pulisya kan Burgos, igwa nin duwang pamilya na gikan sa Dasol asin Zambales na nag-aakin man sa bangkay.
