NAGA CITY- Matrayumpong na-rescue kan mga barangay tanod kan Barangay Triangulo an sarong personang igwang problema sa saiyang pag-iisip na haloy nang nagbabalagaw bagaw sa nasambitan ng lugar na nagkakawsa na man suboot nin peligro asin distroso sa mga residente siring na man sa mga motorsitang nag-aagi sa lugar.
Ini an sinaysay kan saro sa mga nagrescue na tanod sa entrevista kan Bombo Radyo Naga.
Sigon sa saiya, sainda na man na pig-turn over sa Police Station 2 an nasambitan ng persona para sa maninigong disposisyon.
Dai man suboot nagin masakit an pag-rescue sa nasambitan ng persona huli ta madali man sana ining nag iba sa sainda urog na kan pigduhulan suboot ninda ini nin sigarilyo na saro man sa mga haragadon kan persona tuyong nakakasabat nin ibang tawo sa lugar.
Sa ngunian, nagtitinir na sa sarong mental hospital sa Cadlan, Pili, Camarines an nasambitan ng persona para sa maninigong disposisiyon.
