Pigtawan-duon kan sarong opisyal kan pulisya na papanimbagon sa ley an siisay man na iligal na magpaputok nin badil ngunyan na igwa nin kasiributan.
Sa nagin paghampang sa mga kagawad kan media ni PCpt.Liza Jane Alteza, PIO CSPPO, sinaysay kaini na maski pa sinda an nakasulot nin uniporme, dae man giraray sinda makakalamang sa batas. Kun kaya, an siisay man na pulisya an mapaputok ngunyan na holiday, an papanimbagon sa ley.
Sigun ki Alteza, kabali sa mga kasong pwedeng isunad sa sainda an illegal discharge of firearm, asin bako sanang kaso nin kriminal an posibleng kahampangon, alagad makakasohan man sinda nin kasong administribo.
An siring man na kaso sa maski ano pang criminal act o case na mai-file sa sarong pulis, administrative case na posibleng mahampang sa pagtatangal sa trabaho an saindang padudumanan orog na ta saro ining motu proprio na boot sabihon, maski mayong magreklamo hasta naireport na sinda nagpaputok nin badil sa ilegal na paagi orog na ngunyan na holiday, an matatagal sinda sa serbisyo.
Katakod kaini, pinagtawan-duon man kan opisyal na mahigot an saindang pagsusunod asin pagbabantay sa mga panundunan orog na sa batas.
