NAGA CITY-Nakua an lawas kan sarong babaeng ginadan sa Barangay San Jose, Mauban, Quezon.
Binisto an biktima na si Nenita Labalan Piel, 66 anyos, residente kan Sitio Ilaya, Brgy. San Jose, Mauban, kan nasambitang probinsya.
Sa nagunong impormasyon kan Bombo Radyo Naga sa Quezon Police Provincial Office, napag-araman na nag-report soboot an Barangay Kapitan kan Barangay San Jose kan nasambitang banwaan sa Mauban Municipal Police Station kasuugma, Mayo 13, alas 5:30 nin hapon na may nakua nin lawas sa magubat na parte kan saindang barangay.
Basado sa inisyal na imbestigasyon kan mga awtoridad, mutilated na an toong kamot kaini, may mga saksak sa tulak asin toong bitis, asin nasa irarom na an lawas sa estado nin pagkalapa.
Minawot man soboot kan pamilya kan biktima na darahon ini sa Mauban Town proper huli ta masasakitan na sindang mag-uli huli sa diklom asin sainda man na pig-sisierto an saindang kasalbaduhan huli sa presensya kan mga makaka-walang grupo harani sa saindang lugar.
Sa presente, nagpapadagos pa man an imbestigasyon kan mga awtoridad manunungod an insidente.
