An award-winning na aktres asin singer na si Lea Salonga an saro sa mga pinakabagong celebrity na maresiber nin Hollywood Walk of Fame.
Ini an magiging enot na Filipina celebrity na makakaresiber kan siring karangalan.
Tolong male celebrity na may Filipino heritage — singer-songwriter na si Bruno Mars, rapper Apl.de.ap, asin comedian na si Rob Schneider — an dati nang pigbisto kan Hollywood Chamber of Commerce.
kabali si Salonga sa 34 pang global entertainment figure komo parte kan Walk of Fame’s Class of 2026.
Si Salonga an sulamenteng pinarangalan sa kategoryang Live Theatre/Live Performance, kaiba an komedyante na si Gabriel “Fluffy” Iglesias.
An 35 na pinarangalan an pinili kan Walk of Fame selection panel kan Hollywood Chamber of Commerce gikan sa ginatos na nominasyon.
An saindang mga pinili an pig-aprubarn kan Chamber’s board of directors.
An Manila International Film Festival, na nag-nominate ki Salonga, an kabali sa mga nangenot na nagselebrar sa saiyang pagkakapili sa social media. Sa sarong Instagram story, nagpasalamat si Salonga sa festival para sa nominasyon.
Mientrastanto, bistado si Salonga sa saiyang Tony Award-winning na pagganap komo Kim sa Miss Saigon asin sa pagtatao nin mga boses sa pagkanta ninda Jasmine (Aladdin) asin Mulan (Mulan).
Nagin Disney Legend ini kan 2011 asin nakaresiber nin Presidential Medal of Merit asin Order of Lakandula.
