NAGA CITY- Irido an apat na persona kabale na an sarong pulis sa banggaan nin sarong kotse asin police car sa Taisan, Sipocot, Camarines Sur.
Sa nagunong impormasyon kan Bombo Radyo Naga, napag-araman na binabagtas kan Congressional Convoy kan Regional Public Safety Batallion kan Police Regional Office (PRO) 5 an kalabaan kan tinampo sa nasambitang lugar kan magsalpok ini sa kasabatan na kotseng minamaneho ni Ferdinand Basilla.
Napag-araman na nag-overtake sa sarong nakaparadang truck an kotse dalan tanganing dae kaini mahiling an kasabatan na police car.
Nairido man an saro sa mga lunad na pulis kan police car na si PO1 Francis Barcenas asin an driver kan kotse na si Basilla kabale na an lunad niyang sarong 4-anyos asin 13-anyos na menor de edad.
An naaksidenteng police car an lead car kan convoy kan mga kongresistang pigsundo kan PNP na kabale suboot sa Eastern-West-Western Nautical Highway Expedition plus Inspection.
