Nag apelar an lead counsel ni dating Presidente Rodrigo Duterte sa mga tagasuporta kan dating Presidente na respetuhon an judicial process asin dae mangiaram sa kasarinlan kan Korte.
Sa sarong entrevista sa The Hague, Netherlands, sinabi ni British-Israeli lawyer Nicholas Kaufman na mawot kan pamilya Duterte na saiyang ipaabot sa saindng supporter na dapat nindang igalang an judicial process siringman an pagtao nin bilog na respeto sa prosekusyon, defense, counsels asin sa mga biktima.
Ginibo ni Kaufman an pangapudan sa tahaw kan pigsasagibong mahewasang kilos protesta, rally asin demonstrasyon kan Duterte supporters sa manlaen-laeng panig kan kinaban komo pagpapahiling nin suporta sa dating Presidente asin man pagtutol sa pag-arestar asin pagkulong sa saiya sa Scheveningen Prison sa The Hague, Netherlands.
Nakakaresiber man nin harassment sa social media an ICC judges asin pinapadarahan pa nin mensahe an American author na si Nicholas Kaufman makalihis mamaluan komo lead counsel ni dating Presidente Duterte.
