Binawian na nin buhay an Yoga instructor na si Lee Yoo-joo, na bistado sa saiyang appearance sa South Korean reality show na Infinite Challenge.
Si Lee an binawian nin buhay kan nakalihis na aldaw nin Martes, Feb. 18 sa edad na 35-anyos.
An pagkagadan nin Lee an pigkumpirmar kan saiyang yoga studio na Yogaum sa paagi kan sarong statement na pigpaluwas sa paagi kan Instagram.
Basado pa sa nasambitan ng post na kamawotan kan pamilya ni Lee na dae na magkundusir nin funeral para sa yoga instructor, alagad igwang espasyo na pigdesignar sa saiya sa yoga studio para sa huring pamamaaram.
Mientrastanto, mayo pa man ibang detalyes na pigpaluwas kun ano an raso kan saiyang kagadanan.
Sa ngunyan, hagad na sana kan mga nawalat na pamilya ni Lee na ipangadyi an kalag kaini tanganing dagusan naman na magkigwa nin katrangkiluhon.
