Makusog an pangapudan sa Kongreso na iregulate na an social media asin wakasan an fake news kaya laoman nang igwa nin maisusumiter na ley mapadapit sa disinformation sa paglaog kan 20th Congress, sigun ki House Assistant Majority Leader asin Zambales Rep Jay Khonghun.
Sa sarong press conference sa Kamara sinabi ni Khonghun na an sentro kan isinasagibong House Inquiry an makabalangkas kan ley tangani labanan an fake news asin magtalaan nin padusa. “Well kaya nga nagkakaroon tayo ng mga hearing dahil sa patungkol sa paglalagay ng safeguard laban sa fake news.
Kinumpirmar man lehislador na isinasapinal na kan House Tri-Committee (Tri-Comm) an propwestong ley para sa fake news regulation.
Siringpaman an pahayag ni House Assistant Majority Leader asin Manila Rep Ernix Dionisio, na madali nang matapos an era kan mga nagpapakuriyat nin fake news.
