NAGA CITY- Piglinaw kan pamayuhan kan lokal na gobierno kan Naga an nagluwasan isyu na pighali sa pwesto komo miembro asin chairman kan Bidding and Awards Committee.
Sa entrevista kan Bombo Radyo Naga ki Naga City Mayor Nelson Legacion, piglinaw kaini na dae man pighali sa saindang mga pwesto sinda Engr. Alex Caning asin Atty. PJ Barrosa komo miembros kan nasambitan ng komitiba.
Tinawan duon kan alkalde na igwa nin resignation letter na pigtao an nasambitan ng mga indibidwal na nagsasaysay kan saindang pagbubutas sa nasambitan ng pwesto.
Marurumduman, imbwelto sa isyu kan bidding and awards na nakapalaman sa kasuratan ni Atty. Leni Robredo an nasambitan ng mga indibidwal na posibleng nagin rason kan saindang pagbubutas sa pwesto. Alagad, preparado man soboot an mga ini na makikooperar sa anuman na imbestigasyon na isasagibo katakod kan nasambitan ng isyu. An Bids and Awards Committee an responsable sa mga procurement asin bidding out kan mga projects.
Mientrastanto, pigtalaga man komo chairman kan komitiba si Frank Mendoza mantang an vice chairman si Ruel Oliver.
Sa ngunyan, tinawan duon na sana ni Legacion an impormasyon kan pag fact check asin dae tolos na magtubod sa mga naglalakop na impormasyon.
