NAGA CITY- Pigsierto kan Local Government Unit Naga na magagamit nin marhay asin tama an ₱1.8-B na 2025 annual budget kan siyudad.
Sigun ki City Administrator Lito Del Rosario, nagpakol sa trese porsyento an piglangkaw na annual budget kan siyudad ngunyan na taon kumparar sa nakalihis na 2023, kun saen an sektor kan social services an liwat napagkalooban nin pinakadakulang alokasyon na nagpakol sa 592.8 milyong piso.
Mientrastanto, an 2025 annual budget kan siyudad an pinakadula sa entirong rehiyon kan Bicol. Katakod kaini, pigsierto kan lokal na gobierno kan Naga na an mga pondong ini an gagamiton nin tama asin mayong masasayang.
Ngunyan man taon, pigpromesa kan lokal na gobierno kan siyudad na orog pang papahewason an mga programa sa edukasyon, pansalud, asin imprastruktura tanganing maisakatupadan an mga obheto para sa mas mauswag na siyudad.
