Nanindugan si Senate President Tito Sotto III na dae ini matugot na dae i-livestream an bicameral conference committee kan 2026 national budget.
Naenot nang sinaysay ni Senator Erwin Tulfo na igwang mga nagkokontra gikan sa Kamara na i-livestream an bicam kan pambansang pondo.
Piglinaw man ni Sotto na mayo man nangyaring diskusyon an Kamara sa Senado dapit sa pagsayuma ninda sa livestreaming kan bicam kundi mga pasabi sana an nakaabot sa saiya.
Nakaibahan soboot ninda si House Speaker Bojie Dy sa pigkundusir na LEDAC meeting asin mayo man ining pigsaysay dapit sa isyu kan livestreaming.
Pigsaysay man ni Sen. Erwin na sa lado kan Senado mayong duda na mawot nindang i-livestream an bicam huli ta mayo man pigtatago.
Ini man an magayon na pagkakataon na makiaram an publiko asin mawara an pagkahadit sa ipapasar na pambansang pondo kan Kongreso.
