NAGA CITY- Isinapubliko na an life-sized monument ni dating Interior Sec. Jesse Robredo kasabay kan inauguration kan Jesse M. Robredo Museum komo parte kan pagkomemorar kan saiyang ika-5th death anniversary.
An nasambitan ng monumento an mahihiling sa luwas kan museum mantang nakatukaw asin nakasulot nin short asin tsinelas.
Gibo sa bronze an nasambitan ng monumento asin maabot sa P40-M an kabilugang estruktura.
Mientrastanto, personal man na nag-atendir sa commemoration activities an duwa sa mga divers na nakahanap sa eroplanong piglunadan kan dating opisyal kan magbagsak ini sa kadagatang sakop kan Masbate.
