NAGA CITY- Irido an limang indibidwal makalihis na araruhon kan sarong owner type jeep sa kalabaan kan tinampo sa Brgy. San Jose, Pili Camarines Sur.
Binisto an mga biktima na sinda Allan Dela Costa, 44 anyos, Jenny Tuscano, 23 anyos, Ma. Farah Diana Bolalin, 23 anyos asin duwang menor de edad.
Sa nagunong impormasyon kan Bombo Radyo Naga napag araman na binabagtas kan owner type jeep na minamaneho ni Andres Pena, 66 anyos an kalabaan kan tinampo sa nasambitan ng lugar kan purbaran kaining likayan an sarong papabalyong persona na nagresulta tanganing maarado kaini an limang persona na yaon sa gilid kan tinampo sa nasambitan ng lugar.
Huli digdi, nagsapo nin lugad sa manlaenlaeng parte kan saindang lawas an limang biktima na tulos man na idinalagan sa ospital tanganing ipabulong.
Sa ngunian, nagpapadagos pa man an imbestigasyon kan mga otoridad manungod sa nasambitan ng pangyayari.
